Практычна кожнаму сучаснаму дзіцяці неабходна эмацыйная і псіхалагічная падрыхтоўка да школы. Гатоўнасць да навучання ў школе гэта не толькі неабходны ўзровень развіцця пазнавальных працэсаў: увагі, памяці, мыслення, але і здольнасць наладжваць зносіны з іншымі дзецьмі і дарослымі, уменне кіраваць сваімі паводзінамі ў адпаведнасці з патрабаваннямі педагогаў, адчуваць упэўненасць у сабе і ў сваіх сілах, набыць здольнасць адэкватна выказваць свае эмоцыі.
ПРАГРАМА ЗАНЯТКАЎ:
Занятак 1. "Добры дзень, музей!"
Знаёмства з музеем Якуба Коласа, асноўнымі музейнымі тэрмінамі, а таксама творамі пісьменніка для дзяцей. Інтэрактыўная гульня "Таямніцы дома Песняра", майстар-клас па фітажывапісу.
Занятак 2. "У Савосева суседа быў пярэсценькі каток…"
Знаёмства з творамі Якуба Коласа і іншых беларускіх пісьменнікаў праз ката, як аднаго з галоўных герояў беларускіх народных казак, загадак, прыказак, вершаў. Цікавыя факты пра катоў. Сумеснае чытанне верша на беларускай мове. Лепка фігуркі ката (цеста/гліна).
Занятак 3. "Ты ўмееш маляваць?!" па тэхналогіі французскай майстэрні
Стварэнне асацыятыўных малюнкаў паводле вершаў Якуба Коласа Аўтарскае выкананне верша паэта з запісам на дыск з дапамогай мультымедыйнага комплексу.
Занятак 4. "Дарагі мой каляндар, няхай наступны будзе ў дар!"
З гісторыі з’яўлення календара. Хобі Якуба Коласа – калекцыяніраванне настольных календароў. Майстар-клас па стварэнні вечнага календара.
Занятак 5. "Тэатр бывае розным…"
Знаёмства з гісторыяй лялечных тэатраў.
Выраб лялек для тэатра з пластыкавых лыжак.
Лялечнае прадстаўленне.
Занятак 6. "Паэтычная майстэрня"
Майстар-клас па стварэнню вершаў.
Занятак 7. "Творчая майстэрня"
З гісторыі паштовак. Паштоўкі пачатку XX стагоддзя з фондаў музея Якуба Коласа. Майстар-клас па вырабе паштовак.
Удзел у стварэнні сувенірнай музейнай паштоўкі з уласным фотаздымкам.
Занятак 8. Заключны занятак.
Падвядзенне вынікаў. Напісанне пажаданняў на паспяховы новы навучальны год пяром Коласа.
