Штогод у Дзяржаўным літаратурна-мемарыяльным музеі Якуба Коласа падчас чароўных зімовых святаў адбываюцца душэўныя калядныя сустрэчы, якія адметны сваім духоўным зместам, бо сярод арганізатараў – святары з Палесся, мясціны, дзе пачынаў сваю педагагічную дзейнасць Якуб Колас.
Сёння ў музеі адбыўся святочны канцэрт: прагучалі творы Якуба Коласа, калядныя напевы, а таксама кранальныя меладычныя песні, у якіх змешчаны духоўны сэнс.
Сярод шаноўных гасцей мы віталі Епіскапа Пінскага і Лунінецкага Георгія, протадыякана Андрэя Гарбунова, кіраўніка Місіянерскага аддзела Пінскай Епархіі, клірыка Свята-Пакроўскага храма г. Баранавічы, родных Якуба Коласа.