Дзяржаўны літаратурна-мемарыяльны музей Якуба Коласа і Цэнтр Якуба Коласа Цяньцзінскага ўніверсітэта замежных моў сёння арганізавалі анлайн-сустрэчу з Марыяй Міхайлаўнай Міцкевіч, беларускім публіцыстам і педагогам, унучкай Якуба Коласа і Янкі Маўра, на якую запрасілі выкладчыкаў і студэнтаў-беларусістаў Цяньцзінскага ўніверсітэта замежных моў і Пекінскага ўніверсітэта замежных моў, а таксама выкладчыкаў і студэнтаў-кітайцаў Мінскага дзяржаўнага лінгвістычнага ўніверсітэта. Ганаровымі гасцямі на сустрэчы былі дырэктар Дзяржаўнага літаратурна-мемарыяльнага музея Якуба Коласа І. У. Мацяс і прадстаўнікі Пасольства Рэспублікі Беларусь у Кітайскай Народнай Рэспубліцы.
Марыя Міхайлаўна распавяла цікавыя гісторыі аб жыццёвым і творчым шляху Якуба Коласа, а пасля ў удзельнікаў круглага стала была магчымасць задаць спадарыні Марыі Міцкевіч пытанні аб яе дзядулі, аб значэнні яго творчасці для Беларусі і ўсяго свету.
