* Да кожнай з’явы на свеце трэба падыходзіць са словамі: чаму? і чаго? Бо гэта і ёсць пачатак мудрасці і філасофіі.
* І перабор меры таксама нядобры, як і недабор. Трэба быць асцярожным і больш дзяржацца сярэдзіны.
* Трэба, брат, многа павучыцца, каб ведаць маленькае. І вучацца людзі, аж лысеюць з навукі, а ўсяго ведаць не будуць. Вучыся і ты.
* Псіхалогія чалавека пабудавана так, што самы факт і перажыванні перед фактам рэдка калі супадаюць.
* Чалавек жыве дзеля дабра, для служэння праўдзе, каб стварыць нейкія вартасці жыцця і каб быць карысным для іншых.
* Жанчына-душа мужчыны; яна наша натхненніца на вялікія справы.
* Незалежна ад чалавека страху няма. У істоце кожнага страху ляжыць наша няведанне, наша цемната. Страх і цемната – неразлучныя прыяцелі… Сам жа па сабе страх, як нейкая незалежная сіла, гэта не больш і не менш, як наша глупства.
* Мы бачым, што мы нічога не бачым, а чаму нічога не бачым, зараз пабачым.
* А хто не паважае сябе, таго і другія не паважаюць…
* Чалавек – не кандылярская паперка: нумар паставіў, падшыў, зарэгістраваў і ўсё тут.
* Дык вось: ёсць сіла і ў бяссіллі.
* Раз у цябе ёсць сіла, ты заўсёды знойдзеш спосаб жыць на свеце, праб’еш сабе дарогу – што жывое, жывым і застанецца.
* Дык вазьмі за нораў
"Не хадзі за горы,
А перш каля носу
Пашукай ты лёсу.