Дзеці і дарослыя прымаюць удзел у тэатралізаваных экскурсіях, квестах, майстар-класах па вырабу елачных цацак, паштовак-выцінанак, букетаў з цукерак і іншых. Фотасесіі з персанажамі "ажыўшай экспазіцыі" выклікаюць вялікі інтарэс. Дарэчы, тут можна і самім пераўтварыцца ў гістарычнага персанажа!
Дзядуля Мароз з унучкай Снягурачкай прапануюць усім захапляльныя гульні і конкурсы з прызамі.
Хлопчыкі і дзяўчынкі чытаюць вершы Коласа, здымаюць ролікі для Youtube-каналаў. Ну і, канечне ж, удзельнічаюць у навагодніх карагодах вакол елачкі!
Пазнавальныя і вясёлыя віктарыны падабаюцца ўсім!
А ў спартыўныя і народныя гульні здорава гуляць на маляўнічым панадворку. Да гасцей прылятаюць дразды і дзятлы, прыбягаюць вавёрачкі. Усім хапае душэўнага цяпла! А як вакол прыгожа, нібы ў лесе!
