ПРАГРАМА
Літаратурна-музычнага свята
да Міжнароднага дня музеяў
НОЧ КАНТРАСТАЎ
21 мая 2022
Час правядзення: 14.00 – 23.00.
Месца правядзення: Літаратурна-мемарыяльны музей Якуба Коласа (будынак і сядзіба).
КАЛЯРОВЫ КАНТРАСТ (0+):
Сядзіба музея
14.00 – 17.00 – анімацыйная праграма для дзяцей: “Крэйдавыя забаўкі”,
гульні з мыльнымі бурбалкамі, мімы;
14.00 – 22.00 – настольныя гульні; маляванкі для дзяцей (па дзіцячых творах Якуба Коласа: “Рак-вусач”, “Савось-распуснік”, “Міхасёвы прыгоды”);
17.00 – 18.00 – лялечныя прадстаўленні “Савось-распуснік”, “Воўк-дурань”.
Будынак музея
ІІ паверх музея:
Вялікая гасцёўня:
18.00 – 19.00 – музычная казка “Стойкий оловянный солдатик” ад тэатра “БУСЫ”.
Дзеянне пераносіць нас у свет цацачных герояў – алавянага салдаціка, танцоркі, троля з табакеркі. Іх кранальная жыццёвая гісторыя разыгрываецца ў пакоі і на вуліцы старажытнага мястэчка, самага падобнага на казачную ілюстрацыю з кніг Ганса Хрысціяна Андэрсана. Разам з казачнай гісторыяй дзеткі пазнаёмяцца з чароўнай музыкай скрыпкі, званочкаў, трохкутнікаў, музычных шкатулак, прагучаць гераічныя маршы і лірычныя рамансы.
СЭНСАВЫ КАНТРАСТ (12+):
Будынак музея
І паверх музея (выставачная прастора):
14.00 – 23.00 – часовая экспазіцыя “50 імгненняў: фоталетапіс жыцця Народнага паэта Беларусі Якуба Коласа”.
На экспазіцыі прадстаўлены імгненні жыцця Народнага паэта Беларусі Якуба Коласа, якія патрапілі ў аб’ектыў розных вядомых фатографаў, сярод якіх – Генрых Фрыд, Рыгор Вайль, Майсей Напельбаўм, Зянон Паўлоўскі, Ілля Берлі і іншыя, а таксама фотааматараў – беларускага пісьменніка, сябра Якуба Коласа Міхася Лынькова і малодшага сына песняра Міхася Канстанцінавіча Міцкевіча.
ІІ паверх музея:
Вялікая гасцёўня:
17.00 – 18.00 – лекцыя “Жыццё Якуба Коласа ў пазітывах і негатывах”.
Калі вы думаеце, што ведаеце пра жыццё Якуба Коласа ўжо амаль усё, то мы гатовы пераканаць Вас у гэтым за першыя 5 хвілін! Калі гэта будзе не так, то мы вернем Вам грошы.
Сядзіба музея
16.00 – 17.00 – інтэрактыўная экскурсія па сядзібе музея з выкарыстаннем QR-кодаў “Падарожжа ў мінулае”.
Дзякуючы незвычайнай экскурсіі госці Дома Коласа змогуць параўнаць пэўныя знакавыя месцы на сядзібе класіка з тым, як яны выглядалі пры жыцці пісьменніка.
ВЫЯЎЛЕНЧЫ КАНТРАСТ (12+):
Будынак музея
14.00 – 23.00 – арт-інтэрвенцыя “Ірына Рамбальская (IRRA). У дарослым інтэр'еры”.
Гэта першая мастацкая інтэрвенцыя ў музеі Народнага Паэта. Не хуліганства ці выклік, а яшчэ адзін спосаб удыхнуць жыццё ў манументальнае і вечнае і даказаць, што класікі жывуць вечна.
ІІ паверх музея:
Вялікая гасцёўня:
15.00 – 16.00 – майстар-клас па фатаграфіі ад Таццяны Залескай.
Сядзіба музея
16.00 – 17.00 – фотазона з “жывымі” статуямі.
Што агульнага ў скульптуры і фатаграфіі? Магчымасць спыніць імгненне, захаваць і ўвекавечыць грацыю.
ЛІТАРАТУРНЫ КАНТРАСТ (12+):
Будынак музея
ІІ паверх музея:
Вялікая гасцёўня
20.00 – 21.00 – “Колас па-французску” ад МГА “ТЭАТРО”.
МГА "ТЭАТРО" - гэта аб'яднанне акцёраў, рэжысёраў, музыкаў, студэнтаў, выкладчыкаў, перакладчыкаў і прадстаўнікоў дзелавых колаў з Беларусі, Францыі, Бельгіі, Канады, Швейцарыі, Іспаніі, Германіі, Літвы, Туніса, Алжыра, Кітая і іншых краін.
МУЗЫЧНЫ КАНТРАСТ (12+):
Будынак музея
ІІ паверх музея:
Вялікая гасцёўня
22.00 - 23.00 – выступленне гурта «НагУаль».
Кошт:
Уваходны квіток з 14.00 да 21.00 – 5 рублёў.
На канцэрт гурта «НагУаль» - 10 рублёў.
Пры набыцці квітка на ўсю праграму (з 14.00 да 23.00) – 10 рублёў.
Кантактны тэлефон: (017) 270 17 02
Адрас: г. Мінск, вул. Акадэмічная, 5
www.kolasmuseum.by; e-mail: info@kolasmuseum.by