Фестываль дзіцячай кнігі “Ідзі, зіма, ідзі ў дарогу!”
У ўсіх была тут думка тая,
Што дзень сягоння не звычайны,
А дзень асобны, разнастайны,
Які ў год толькі раз бывае…
Якуб Колас
2 сакавіка 2023 года ў Дзяржаўным літаратурна-мемарыяльным музеі Якуба Коласа адбудзецца Фестываль дзіцячай кнігі “Ідзі, зіма, ідзі ў дарогу!”. Творчыя сустрэчы з маленькімі аматарамі літаратуры правядуць вядомыя пісьменнікі і народны артыст Рэспублікі Беларусь Эдуард Ханок.
На працягу ўсяго фестываля наведвальнікаў чакаць настольныя беларускія гульні, тэматычныя майстар-класы, паказы мультфільмаў, самыя смелыя атрымаюць магчымасць павандраваць па сядзібе Паэта з сапраўдным Дзедам Талашом.
У межах Фестываля дзіцячай кнігі “Ідзі, зіма, ідзі ў дарогу” ў якасці практычнай часткі адбудзецца круглы стол “Музей і школа: магчымасці сістэматызаванага сумеснага падыхода да вывучэння творчасці Якуба Коласа”, а таксама адкрыццё выстаўкі друкаваных выданняў “Перабытых часаў ніць”.
Кантактны тэлефон: (017) 270 17 02
Адрас: г. Мінск, вул. Акадэмічная, 5
www.kolasmuseum.by; e-mail: info@kolasmuseum.by
Праграма фестываля
Творчыя сустрэчы ў Доме Коласа:
(другі паверх, вялікая гасцёўня музея, у межах кожнай сустрэчы – аўтограф-сесія пісьменніка і гульня-віктарына)
- Выступ народнага артыста Беларусі Эдуарда Ханка
- 10.00 творчая сустрэча з пісьменніцай Алены Стэльмах
- 11.00 творчая сустрэча з пісьменніцай Галінай Пшонік
- 12.00 творчая сустрэча з пісьменнікам Аляксеем Шаўцовым
- 13.00 творчая сустрэча з пісьменнікам Паўлам Гушынцом
- 14.00 творчая сустрэча з пісьменніцай Жаннай Міўс
- 15.00 творчая сустрэча з пісьменніцай Кацярынай Хадасевіч-Лісавой
Інтэрактыўныя пляцоўкі:
(першы паверх, экспазіцыйныя залы музея, тэрыторыя вакол музея)
- 11.00; 12.00 – беларускія настольныя забаўлянкі ад Наталлі Галко (рэгламент адной гульні – 30 хвілін)
- вандроўкі па тэрыторыі сядзібы “У пушчах Палесся” на чале з дзедам Талашом
- інтэрактыўныя гульні, заняткі, сюрпрызы
- прагляд мультыплікацыйнага фільма “Шахматы і класікі”, фільма пра прыроду “Птушыны транзіт. Зімовая гавань”
- тэматычныя фотазоны, пазлы
- кніжны гандаль ад “Акадэмічнай кнігі”
Навукова-практычная частка:
(першы паверх, экспазіцыйныя залы музея)
16.00. Круглы стол “Музей і школа: магчымасці сістэматызаванага сумеснага падыхода да вывучэння творчасці Якуба Коласа”
17.30. Адкрыццё выстаўкі друкаваных выданняў “Перабытых часаў ніць”.
Уваходны білет – 3 рублі.
Сардэчна запрашаем прыняць удзел у фестывалі!
Кантактны тэлефон: (017) 270 17 02
Адрас: г. Мінск, вул. Акадэмічная, 5
www.kolasmuseum.by; e-mail: info@kolasmuseum.by