Зараз у музеі шматлюдна і шматгалосна! У нас праходзіць Фестываль дзіцячай кнігі "Ідзі, зіма, ідзі ў дарогу!".
Адбываюцца сустрэчы з вядомымі творцамі, напрыклад, толькі што скончылася выступленне народнага артыста Беларусі Эдуарда Ханка і пісьменніцы Алены Стэльмах. Дзеткі пагулялі на інтэрактыўных пляцоўках і адправіліся знаёміцца з новай кнігай пісьменніцы Галіны Пшонік.
Пасля творчых сустрэч адбываліся аўтограф-сесіі.
Дзеці з захапленнем чыталі кнігі і атрымлівалі дарчыя подпісы ў падарунак ад арганізатараў фестывалю.
Дзеці ўважліва слухалі члена Саюза пісьменнікаў Беларусі і Саюзнай дзяржавы Беларусі і Расіі, мастака, палкоўніка Аляксея Шаўцова.
Супрацоўнікі музея праводзяць майстар-клас па вырабу закладкі для кніг.
Пісьменнік Павел Гушынец чытае ўрыўкі з кнігі "Соніна дзяцінства".
Пісьменніца Жана Міус прыехала з Магілёва не адна, а з юнымі артысткамі.
Пісьменніца К. Хадасевіч-Лісавая выступіла ў ролі чараўніцы.
Практычнай часткай фестывалю стаў круглы стол “Музей і школа: магчымасці сістэматызаванага сумеснага падыхода да вывучэння творчасці Якуба Коласа”.
Фінальным акордам сённяшняга фестывалю стала ўрачыстае адкрыццё часовай экспазіцыі друкаваных выданняў "Перабытых часаў ніць".