У музеі праходзіць дзіцячы "Фестываль жалудоў" ад Тэатра "Бусы". На музычным занятку дзеткі пасябравалі з вавёркай і вожыкам, пакармілі птушачак зярняткамі, а потым гэтымі ж зярняткамі сыгралі на ... металафоне.
На майстар-класах зрабілі вожыка з каштана, дружную сямейку жалудоў ды мышку ў калысцы.
А ў гэты самы час праходзіць "Восеньскі песняпад", пад час якога госці Дома Коласа пазнаёміліся з дзіўнымі музычнымі інструментамі: гангам, варганам, акарынай, насавой флейтай і нават ... звычайнай трубой з-пад ракавіны!!!
Падлеткавы гурт "Моль пад Мостам" выканаў рэп на словы Якуба Коласа і іншых беларускіх паэтаў. А затым Лёнік Паўлёнік, як ён сам сябе называе, праспяваў песні пра поры года разам з дружным хорам гледачоў і разам стварылі і запісалі ўнікальную музычную кампазіцыю.