На плошчы імя Якуба Коласа адбылося ўрачыстае ўскладанне кветак да помніка народнаму паэту.
Навукова-практычная канферэнцыя "Каласавіны" прынесла нямала адкрыццяў і новых цікавых доследаў у галіне коласазнаўства.
У час канферэнцыі загадчык філіяла "Мастацкі музей" Віцебскага абласнога краязнаўчага музея А. А. Багацёнак перадаў у фонды музея Якуба Коласа каляровую лічбавую копію партрэта Якуба Коласа пэндзля Абрама Бразера (1925 г.)
Куратарскую экскурсію па новай часовай экспазіцыі, прысвечанай юбілею паэмы "Новая зямля", правяла навуковы супрацоўнік музея Н. А. Шувагіна-Адамовіч.
Напрыканцы свята адбылася прэм'ера літаратурна-музычнай праграмы народнага літаратурнага тэатра "Жывое слова" Беларускага дзяржаўнага педагагічнага ўніверсітэта імя М. Танка.